Wednesday, September 8, 2010

കോരന്റെ മരണം: ചില സംശയങ്ങള്‍

















കോരന്റെ മൃതദേഹത്തിനരികെ

ഉറുമ്പുകളുടെ സംവാദം;

വിഷക്കള്ള് കുടിച്ചായിരിക്കുമെന്ന്

കൂനനുരുമ്പ്.

വിഷക്കഞ്ഞി കുടിച്ചായിരിക്കുമെന്ന്

ചോണനുറുമ്പ്.

വിശന്ന് പൊരിഞ്ഞാണെന്ന്

കടിയനുറുമ്പ്.

അപ്പോഴാണു,

''എഫ് സി ഐ ഗോഡൗണിലെ''

അരി തിന്ന് ചത്ത പുഴുവിന്റെ

മൃത ദേഹവുമായി കട്ടുറുമ്പ്കളുടെ

''ശവ ഘോഷ യാത്ര''

അതു വഴി വന്നത്.

പോസ്റ്റ് മോര്ട്ടത്തിനും,

ഉന്നത് തല അന്വേഷണത്തിനും,

കാത്തിരിക്കാന് ക്ഷമയില്ലാത്തതിനാല്

മൂവരും

''യാത്ര'' യിലെ അവസാന കണ്ണികളായി!.



ഫ്ളാഷ് ന്യുസ്: കോരന്റെ കൂടുംബത്തിനു മുഖ്യമന്ത്രി ഒരാഴ്ചത്തെ സൗജന്യ റേഷന് അനുവദിച്ചു.സംഭവം തന്റെ അറിവോടെയല്ലെന്ന് ഭക്ഷ്യ മന്ത്രി...........

prev next