കണ്ണൂര്‍ വിമാനത്താവളത്തിന്റെ മുതലാളി ആവാം

ഒരു വിമാനത്താവളത്തിന്റെ മുതലാളിയാവുക എന്നത് ചില്ലറ കാര്യമാണോ ? അതും നമ്മുടെ സ്വന്തം കണ്ണൂരില്‍ നിര്‍മ്മിക്കാന്‍ പോകുന്ന പദ്ദതിയാകുമ്പോള്‍ ഒരു കൈ നോക്കാമെന്ന് ആഗ്രഹിക്കുന്നതില്‍ തെറ്റ് പറയാനാകില്ല താനും .


സ്വപ്നമൊരു ചാക്ക് ..അതും തലയില്‍ വെച്ചൊരു പോക്ക് .. എന്നാണല്ലോ അഭിനവ പ്രമാണം . സര്‍ക്കാരിന്റെ എല്ലാ പദ്ദതികളെയും പോലെ തന്നെ വരേണ്യ വര്‍ഗവുമായി ഒരു അവിശുദ കൂട്ട് കെട്ടിന്റെ പിന്നാമ്പുറ കഥകള്‍ കണ്ണൂര്‍ വിമാനത്താവളത്തെ ചുറ്റിപറ്റിയും പറഞ്ഞു കേള്‍ക്കുന്നുണ്ട്. അത് ശരി വെക്കുന്ന തരത്തിലായിരുന്നു കഴിഞ്ഞ ദിവസം നമ്മളുടെ ഒക്കെ ശമ്പളം പറ്റുന്ന ഒരു ഉദ്യോഗസ്ഥ പ്രഭുവിന്റെ പ്രതികരണവും.

"പാവപ്പെട്ടവന്‍ എന്തിനു ഈ ബിസിനെസ്സില്‍ ഇടപെടണമെന്ന" ധാര്‍ഷ്ട്യം നിറഞ്ഞ വര്‍ത്തമാനം മാധ്യമങ്ങള്‍ക്ക് മുന്നില്‍ വിളിച്ചു പറയാന്‍ മാത്രം ചില വലാട്ടികള്‍ വളര്‍ന്നു കഴിഞ്ഞു.

ചുരുക്കത്തില്‍ ആയിരം കോടി രൂപയുടെ പദ്ധതി ചില "കോട്ടിട്ട"വരുടെ കീശയിലെക്ക് ഒതുക്കുവാനുള്ള കൊണ്ടു പിടിച്ച ശ്രമങ്ങള്‍ നടന്നു വരികയാണ് . ഇതിനെതിരെ ഒന്നും ചെയാന്‍ ഒരു പക്ഷെ നമുക്ക് സാധിച്ചു കൊള്ളണമെന്നില്ല.കാരണം കേരളത്തെ തീറ്റി പോറ്റുന്ന പാവം പ്രവാസി മലയാളിക്ക് നാട്ടിലെ എമാന്മാര്‍ക്കിടയില്‍ ഇപ്പോഴും പുല്ലു വിലയാണ് . വോട്ടുള്ളവന് തന്നെ വിലയില്ലാത്തിടത്ത് എന്ത് പ്രവാസി?

എങ്കിലും ജനുവരി 31 നകം 50250 /- രൂപയുടെ ഡി ഡി നാട്ടിലെത്തിക്കാന്‍ കഴിയുന്ന പ്രവാസികള്‍ക്കെല്ലാം ഈ പദ്ദതിയില്‍ മുതലിറക്കാന്‍ അവസരമുണ്ടെന്ന കാര്യം എല്ലാവരെയും ഓര്മപ്പെടുത്താനാണ് ഈ കുറിപ്പെഴുതുന്നത്.

കണ്ണൂര്‍ വിമാനത്താവളത്തില്‍ പ്രവാസികള്‍ക്ക് കൂടുതല്‍ നിക്ഷേപാവസരമോരുക്കുന്നതിനു വേണ്ട സമര പദ്ദതികള്‍ എം പി സി സി പോലുള്ള സംഘടനകള്‍ ആസൂത്രണം ചെയ്യുന്നുണ്ട്.
കാരണം ജനുവരി മാസത്തെ ശമ്പളം ലഭിക്കാനുള്ള സാവകാശം പോലും നല്‍കാതെയാണ് നമ്മുടെ ഏമാന്മാര്‍ "കോട്ടിട്ട'' വര്‍ക്ക് വേണ്ടി പാത സേവ ഒരുക്കിയിരിക്കുന്നത്.
പത്ത് വര്‍ഷമാണ്‌ പദ്ദതിയുടെ കാലാവധിയെന്ന കാര്യവും ലാഭവും നഷ്ടവുമൊക്കെ ബിസിനെസ്സില്‍ ഉണ്ടാവുമെന്ന കാര്യവും ഓര്‍ത്തിരിക്കുക.

മംഗലാപുരത്തിനും കേരളത്തിനും ലക്ഷദ്വീപിനും ഒരുപോലെ ഗുണം ചെയ്യുന്ന കാര്‍ഗോ നീക്കങ്ങള്‍ക്ക്‌ കണ്ണൂര്‍ സാക്ഷ്യം വഹിക്കുമെന്ന്‍ വിലയിരുത്തപ്പെടുന്നുമുണ്ട്.
പണവും താല്പര്യവുമുള്ളവര്‍ക്ക് ഈ അവസരം ഉപയോഗപ്പെടുത്താം. സുഹ്രത്തുക്കള്‍ക്ക് വിവരം കൈമാറാം .
ഇനിയെന്തിനു മടിച്ചു നില്ക്കണം മിനിമം ഷെയരായ 202500  രൂപയുടെ 25 ശതമാനം മാത്രം ഇപ്പോള്‍ നല്‍കിയാല്‍ മതി. സ്വന്തം വിമാനത്താവളത്തില്‍ നിങ്ങള്‍ക്കും ഒരു നാള്‍ പറന്നിറങ്ങാം...


എം പി സി സി യും . ആര്‍ എസ് സി യും മറ്റും അയച്ചു തന്ന വിവരങ്ങള്‍ ഇതോടൊപ്പം ചേര്‍ക്കുന്നു

Share value Rs.100.00 / share

Minimum no. of share : 2001

Lock in period : 5 years

Dividend : 10 years no dividend

Application : White paper along with 25% DD

Last date : January 31, 2011

Email address : managingdirector@kannurairport.in

Application to be sent to : Kannur International Airport Limited

Parvathy TC 36/1, N H Byepass,

Chakkai, Trivandrum - 695 024.

DD in favour of : Kannur International Airport Limited.

എസ് ബി ടി യുടെ ദുബായ് ഓഫീസും എല്ലാ സഹകരണവും വാഗ്ദാനം ചെയ്തിട്ടുണ്ട് . 

tate Bank of Travancore,
Representative Office,
Al- Arif Business Bay,
PO Box. 126959, Burdubai,
Dubai, UAE.
(D) 00971-4-3537336, (F) 3536199
(M) 00971-50-8973989

ഇനി ലാഭം കിട്ടുമ്പോ ഇടാനൊരു അക്കൌണ്ട് നമ്പര്‍ വേറെയുണ്ട് . ആവശ്യമുള്ളവര്‍  എന്നെ ബന്ധപ്പെടുക .